नांदेड : नांदेड लोकसभा मतदारसंघाचे लोकप्रिय आणि कर्तव्यदक्ष खा. प्रतापराव पाटील चिखलीकर यांच्या वाढदिवसानिमित्त दिनांक 2 ऑगस्ट रोजी सायंकाळी सहा वाजता मालेगाव रोड वरील भक्ती लॉन्स येथे प्रसिद्ध कीर्तनकार हरिभक्त पारायण निवृत्ती महाराज इंदुरिकर यांच्या कीर्तनाचा भव्य कार्यक्रम आयोजित करण्यात आला आहे. जनतेच्या कल्याणासाठी, हितासाठी सदैव तत्पर सनारे आणि आपल्या कामातून नांदेड लोकसभा मतदारसंघाचा नावलौकिक दिल्लीपर्यंत पोहोचवणारे नांदेड लोकसभा मतदारसंघाचे लोकप्रिय खा. प्रतापराव पाटील चिखलीकर यांचा वाढदिवस याही वर्षी विविध कार्यक्रमानी आणि उपक्रमांनी साजरा करण्यात येणार आहे . वाढदिवसानिमित्त दिनांक 2 ऑगस्ट रोजी सायंकाळी सहा वाजता भक्ती लॉन्स येथे निवृत्ती महाराज इंदुरीकर यांच्या कीर्तनाचा भव्य सोहळा आयोजित करण्यात आला आहे . यावेळी नांदेड लोकसभा मतदारसंघातील अनेक भारतीय जनता पार्टीचे अनेक लोकप्रतिनिधी, पुढारी ,कार्यकर्ते उपस्थित राहणार आहेत. वाढदिवसानिमित्त सकाळपासून विविध कार्यक्रमांचेही आयोजन करण्यात आले आहे . नांदेड लोकसभा मतदारसंघातील विविध तालुक्यात आणि विधानसभा मतदारसंघातही असंख्य कार्यक्रमाची रेलचेल असणार आहे. रक्तदान शिबिर, फळवाटप ,वृक्षारोपण, सत्संग , सेवासप्ताह असे असंख्य कार्यक्रम आयोजित करण्यात आले असताना जनतेला भक्ती मार्गाची शिदोरी मिळावी, त्यांच्यात जाणीव जागृती निर्माण व्हावी यासाठी प्रसिद्ध कीर्तनकार ह भ प निवृत्ती महाराज इंदुरीकर यांच्या कीर्तनाचा कार्यक्रम आयोजित करण्यात आला आहे. कीर्तन सोहळ्याला हजारोंच्या संख्येने उपस्थित राहावे असे आवाहन भारतीय जनता पार्टीचे जिल्हाध्यक्ष डॉ. संतुकराव हंबर्डे , माजी जिल्हाध्यक्ष व्यंकटराव पाटील गोजेगावकर , महानगर अध्यक्ष दिलीप कंदकुर्ते, माजी महानगर अध्यक्ष प्रवीण साले , भाजपा जिल्हा अध्यक्ष सुधाकर भोयर , भाजपा प्रदेश सरचिटणीस सौ. प्रणिताताई देवरे - चिखलीकर , भारतीय जनता पार्टीचे जिल्हा सरचिटणीस प्रवीण पाटील चिखलीकर यांनी केले आहे.
No comments:
Post a Comment