*फडणवीस यांच्यावरील खालच्या भाषेतील टीका यापुढे खपवून घेणार नाही*भाजपा खा. प्रतापराव पाटील चिखलीकर यांचा उद्धव ठाकरेंना इशारा

नांदेड : मुख्यमंत्रीपद गेल्याने वैफल्यग्रस्त झालेल्या उद्धव ठाकरे यांनी उपमुख्यमंत्री देवेंद्र फडणवीस यांच्यावर खालच्या पातळीवर जाऊन टीका करणे थांबवले नाही तर भारतीय जनता पार्टीचे कार्यकर्ते कृतीने उत्तर देतील असा इशारा भारतीय जनता पार्टीचे खा. प्रतापराव पाटील चिखलीकर यांनी सोमवारी दिला.  

खा. चिखलीकर पुढे म्हणाले की, हिंगोली येथील सभेत उद्धव ठाकरे यांनी अत्यंत असभ्य भाषेत उपमुख्यमंत्री देवेंद्र फडणवीस यांच्यावर टीका केली.  उपमुख्यमंत्री देवेंद्र फडणवीस राज्यात गुंतवणूक आणण्यासाठी जपान दौऱ्यावर गेले होते. तुम्ही  आरामासाठी परदेशात गेला होता .  कोवीड काळात भ्रष्टाचाराने कलंकित झालेल्या उद्धव ठाकरेंना  निष्कलंक देवेंद्र  फडणवीसांवर टीका करण्याचा हक्क नाही. सत्ता हातून गेल्याच्या वैफल्यातून  भ्रमिष्ट झालेले उद्धव ठाकरे बाष्कळ आरोप करत आहेत.   

  उद्धव ठाकरेंना राज्य आणि देशाच्या विकासाशी काही देणेघेणे नाही. मुख्यमंत्री असताना ते केवळ घरच्यांच्या विकासात रममाण होते.केंद्राच्या लोकहितार्थ योजना कुठल्या हे देखील माहिती नसणारे उद्धव ठाकरे , ''उचलली जीभ लावली टाळ्याला'' या उक्तीप्रमाणे पंतप्रधान मोदी यांच्यावर टीका करतात. शिवसेनेसाठी आपल्या घराची राखरांगोळी करणाऱ्या कार्यकर्त्यांना आपण काय दिले हे उद्धव ठाकरेंनी स्वतःला विचारावे. कोणत्याही कोट्या आणि टीका न करता ठाकरे यांनी सलग एक तास केवळ विकासावर बोलून दाखवावे असे आव्हान खा.चिखलीकर यांनी दिले. 

खा. प्रतापराव पाटील चिखलीकर यांनी सांगितले की, उद्धव ठाकरे मुख्यमंत्री असताना राज्यातून अनेक प्रकल्प बाहेर गेले.शिंदे - फडणवीस - पवार सरकारच्या काळात राज्यात मोठ्या प्रमाणात गुंतवणूक आल्याने महाराष्ट्र परकीय गुंतवणुकीमध्ये पुन्हा अव्वल स्थानावर गेला आहे असेही ते म्हणाले.भविष्यात उध्दव ठाकरे यांनी उप मुख्यमंत्री देवेंद्र फडणवीस यांच्यावर खालच्या भाषेत विधान केल्यास त्याचे गंभीर परिणाम होतील असा इशाराही खा. चिखलीकर यांनी दिला आहे.

पी.एस.आय.बालाजी किरवले यांच्या संकल्पनेतून बंधुप्रेमाला पारखे झालेल्या बहिणींसाठी 'माहेर' चे रक्षाबंधन

*अंजानी फाऊंडेशनचा स्तुत्य उपक्रम; 31 ऑगस्टला*

 बहिण भावाच्या पवित्र नात्याला रेशीमबंधाने अधिक घट्ट करणाऱ्या रक्षाबंधन या सणाचे औचित्य साधून अंजानी फाऊंडेशनच्या वतीने भावाचे प्रेम न लाभलेल्या बहिणींसाठी 'माहेर' हा खास उपक्रम राबविण्यात येत आहे. अंजानी फाऊंडेशनचे संस्थापक बालाजी किरवले हे या बहिणींकडून राखी बांधून घेऊन त्यांच्यासोबत रक्षाबंधन सण साजरा करणार आहेत.

      अंजानी फाऊंडेशनच्या वतीने वयोवृद्ध नागरिकांना दत्तक घेणे, रस्त्यावरील मनोरुग्ण, अपंग, विधवा निराधार, गरजूंना जीवनावश्यक वस्तू पुरविणे, तसेच दिवाळी उपक्रम, हिवाळी उपक्रम, ऊन्हाळी उपक्रम, पावसाळी उपक्रम त्याबरोबरच  शिक्षण, आरोग्य आणि रोजगार या क्षेत्रात सातत्याने विविध उपक्रम राबविण्यात येतात. 

          रक्षाबंधन सणानिमित्त बहीण आपल्या लाडक्या बंधुरायाला राखी बांधून बहीण भावाच्या पवित्र नात्याला अधिक बळकट करीत असते. मात्र, अनेक बहिणींना बंधुप्रेम लाभलेले नसते. तसेच कोरोना काळात अनेक बहिणीचं माहेर हिरावून गेलं आहे अशा भाऊ नसलेल्या बहिणींना रक्षाबंधन सण आला की, आपल्याला पण भाऊ असता तर आपणही त्याला आनंदाने राखी बांधली असती, असा विचार  त्यांच्या मनात येतोच. ही बाब लक्षात घेऊन अंजानी फाऊंडेशनचे

संस्थापक बालाजी किरवले  यांच्या संकल्पनेतून मागील एक  वर्षापासून *"माहेरचे रक्षाबंधन"* उपक्रम राबविण्यात येतो आहे. या स्तुत्य उपक्रमाला आपण ही दाद द्याल अशी अपेक्षा आहे.🙏🏻🙏🏻

          आपणही भाऊ नसलेल्या बहिणीला *"माहेरचा आनंद"* देण्याचा प्रयत्न करू या. बहिणीसाठी म्हणुन आपण एक साडी, एक मिठाई बॉक्स देऊ शकता किंवा आपण स्वेच्छेने साड्या पाठवु शकता किंवा ते शक्य नसल्यास आपण आपली मदत फाऊंडेशनच्या बँक खात्यात जमा करू शकता🙏🏻🙏🏻

``` AnjaniAai Foundation

A/c No. 60383572350

Ifsc. MAHB0000033

Bank of Maharashtra

Phone pay / g pay

 8208032501 

(Jyoti mam)```

 

🌱🌿☘️🍀🍃💐🌷🪴🎍

Please Note:- आपणही रक्षाबंधन कार्यक्रमात सहभागी होऊ शकता आणि *आपली मदत ही ऐच्छिक आहे* 👏🏻👏🏻

आज खा. चिखलीकर, व खा. श्रृंगारे यांच्या उपस्थितीत मारतळा परिसरात विविध विकासकामांचे भुमिपुजन

नांदेड ता. २६(बातमीदार)  : नांदेड जिल्ह्याचे खा. प्रतापराव पाटील चिखलीकर यांच्या प्रयत्नाने तसेच लातुर लोकसभा मतदारसंघाचे खा. सुधाकराव श्रृंगारे यांच्या प्रयत्नातुन मारतळा परिसरातील टाकळगाव , नांदगाव, कापसी गुंफा व धनंज खुर्द येथील विकासकामांचे भुमिपुजन रविवारी ( ता.२७ ) रोजी करण्यात येणार आहेत. या कार्यक्रमासाठी अध्यक्ष म्हणून खा. प्रतापराव पाटील चिखलीकर उपस्थित राहणार आहेत. तर  खा. सुधाकरराव शृंगारे यांचे शुभ हस्ते विविध कास कामाचे भूमीपूजन होणार आहेत. यावेळी भाजपा  प्रदेश कार्यकारणी सदस्य प्रनिताताई देवरे चिखलीकर , भाजपा जिल्हा सरचिटणीस प्रवीण पाटील चिखलीकर हे प्रमुख पाहुणे म्हणून उपस्थित राहणार आहेत. खा. चिखलीकर यांच्या प्रयत्नातून  टाकळगाव- बोरगाव- जोशी सांगवी रस्त्याची सुधारणा करण्यासाठी ५० लक्ष रुपये, मारतळा -नांदगाव रस्त्याची सुधारणा करणे ५० लक्ष रुपये, पिपंळदरी-वाळकी-कापसी (खुर्द) येथील रस्त्याची सुधारणा करणे ६५.६० लक्ष रुपये, तर धनंज (खुर्द) येथील परमेश्वर मंदीर प्रवेशद्वाराचे भुमिपुजन १० लक्ष रुपये आदी कामाचे भूमीपूजन करण्यात येणार आहे. या कार्यक्रमासाठी भाजपाचे लोहा तालुका अध्यक्ष आनंदराव ढाकणीकर, माजी सभापती बालाजी मारतळेकर, डॉ .सचिन पाटील उमरेकर, माजी जिल्हा परिषद सदस्य गणेश पाटील सावळे, सुभाषराव गायकवाड, माजी उपसभापती नरेंद्र गायकवाड, गणेशराव उबाळे आदीसह मान्यवरांची उपस्थित राहणार आहे.

अल रिजवान शाळेच्या संस्थाचालकाचा बनावटपणा उघडइमारत भाडे घेत करताहेत मालमत्ता कर माफीची मागणी

नांदेड : अल्पसंख्याक आणि दारिद्र्य रेषेखालील मुलांना चांगले शिक्षण मिळावे या उदात्त हेतूने शाळा चालवित असल्याचे कारण पुढे करून महापालिकेच्या तीन लाखांच्या मालमत्ता करापासून माफी मिळविण्याचा प्रयत्न चैतन्यनगर येथील अल रिजवान या इंग्रजी शाळेकडून सुरू आहे. प्रत्यक्षात एकाच इमारतीत सुरू असलेल्या प्राथमिक, उच्च आणि ज्युनिअर कॉलेजचे वेगवेगळे इमारत भाडे स्वतः संस्थाचालकच घेतात. तर दुसरीकडे युकेजीसाठी तब्बल ४१ हजार रुपयांची भरमसाट फी सुद्धा आकारणी करण्यात येते. अशाप्रकारे शिक्षण विभागाच्या डोळ्यात साफ धूळफेक करण्यात येत आहे.

अल रिजवान शाळेकडे महापालिकेचा ३ लाख १८ हजार रुपयांचा मालमत्ता

कर थकीत आहे. हा कर माफ करण्यासाठी शाळेने थेट न्यायालयात धाव घेतली होती. न्यायालयात त्यांनी या शाळेत स्लम एरिया आणि दारिद्र्यरेषेखालील मुलांना प्रतिज्ञापत्र दिले होते. प्रत्यक्षात या शाळेत दारिद्र्यरेषेखालील आणि स्लम एरियातील किती मुलांना मोफत प्रवेश देण्यात आले,याची तपासणी शिक्षण

विभागाने करणे गरजेचे आहे. 

एकीकडे महापालिकेचा कर माफीसाठी प्रयत्न करण्यात येत असताना संस्थाचालक मात्र दरवर्षी इमारतीचे लाखो रुपयांचे भाडे वसूल करीत आहेत.

 त्यात प्राथमिक, उच्च माध्यमिक शाळा आणि ज्युनिअर कॉलेजच्या नावाने इमारत भाड्याचा समावेश आहे. त्याचबरोबर खेळाच्या मैदानाच्या नावेही दोन लाखांवर भाडे वसूल केले आहे.

केंद्रीय गृहमंत्री अमित शाह यांनी केले खा.चिखलीकर यांचे अभिष्टचिंतन : दै.मराठवाडा नेता,दै.श्रमिक एकजूट,दै.एकमत विशेषांकाचे विमोचन*

विशेष प्रतिनिधी. नवी दिल्ली -महाराष्ट्राचे जायंट किलर नांदेड लोकसभा मतदारसंघाचे लोकप्रिय खा.प्रतापराव पाटील चिखलीकर यांनी वाढदिवसाच्या पूर्वसंध्येला केंद्रीय गृहमंत्री अमित शहा यांनी खा.चिखलीकर यांचे अभिष्टचिंतन केले. ' खा.पाटील साहब आपको जन्मदिन दीन की बहुत बहुत शुभकामना म्हणत' खा.चिखलीकरांना आशिर्वाद दिला. यावेळी दै.मराठवाडा नेता, दै.श्रमिक एकजूट,दै.एकमत विशेषांकाचे विमोचनही केंद्रीय गृहमंत्री अमित शहा यांच्या हस्ते करण्यात आले.

 यावेळी मराठवाडा नेता नांदेड आवृत्ती प्रमुख ज्येष्ठ पत्रकार प्रल्हाद उमाटे,दै.एकमतचे मराठवाडा विभाग आवृत्ती संपादक चारुदत्त हे दोघे उपस्थित होते. केंद्रीय गृहमंत्री अमित शाह यांची आज मंगळवार दि. १ ऑगस्ट २०२३ रोजी सायंकाळी संसद भवनातील केंद्रीय गृहमंत्रालयाच्या कार्यालयातील दालनात खा.चिखलीकर व गृहमंत्री अमित शाह यांची भेट झाली. दालनात खा.चिखलीकरासह ज्येष्ठ पत्रकार प्रल्हाद उमाटे व चारुदत्त चौधरी यांचे आगमन होताच आओ पाटील साहब ओ असे म्हणून अमित शाह यांनी खा.चिखलीकर यांचे स्वागत केले. आपको जन्म दिन की बधाई म्हणून पाठीवर हात ठेवून अभिष्टचिंतन करत आशिर्वाद दिला. खा.चिखलीकर यांच्या वाढदिवसानिमित्त दै.मराठवाडा नेता,दै.श्रमिक एकजूट,दै.एकमत अंकाचे विमोचन करुन तिन्ही दैनिक चाळले, त्यानंतर बहुत बडिया म्हणून गौरवोद्गार काढले . यावेळी शहा यांनी मतदारसंघ व जिल्हा भाजपा संघटनेची विचारपूस केली.    

      खा. चिखलीकर यांनी नांदेड -बिदर रेल्वे मार्गाचे लवकर भूमीपूजनाची तारीख निश्चित करण्याची मागणी केली. पंतप्रधानांशी चर्चा करून तारीख ठरवू असे ते म्हणाले. नांदेड विमानतळावरुन लवकर विमानसेवा सुरू करावी. मुंबई -नांदेड-हैद्राबाद मार्ग वंदे भारत रेल्वे सेवा सुरु करण्याची खा.चिखलीकर यांनी मागणी केली. गृहमंत्री शाह व खा.चिखलीकर यांची ही भेट तब्बल वीस मिनिटे चार्चा झाली.केंद्रीय गृहमंत्र्यांचा निरोप घेताना अमित शाह यांनी खा.चिखलीकर यांचे पुन्हा एकदा वाढदिवसाच्या हार्दिक शुभेच्छा दिल्या हे विशेष!   

चौकट

वाढदिवसाच्या पूर्वसन दिल आहे खासदार चिखलीकर यांना जनकल्याणाचा ध्यास

  आपल्या वाढदिवसाच्या पूर्वसंध्येलाही खा. प्रतापराव पाटील चिखलीकर यांनी नांदेड लोकसभा मतदारसंघातील जनतेच्या कामांना प्राधान्य दिले. केंद्रीय गृहमंत्री अमित शाह यांच्या भेटी पूर्वी खा.चिखलीकर यांनी केंद्रीय रेल्वेमंत्री अश्वीणी वैष्णव, रेल्वे राज्यमंत्री रावसाहेब दानवे यांची भेट घेऊन नांदेड -बिदर रेल्वे मार्गाचे भूमीपूजनाची तारीख निश्चित करण्याची विनंती करुन मुंबई -नांदेड-हैद्राबाद मार्गे वंदे भारत रेल्वे सुरू करण्याची मागणी केली.यावेळी पत्रकार भाजपाचे जिल्हा प्रवक्ता प्रल्हाद उमाटे व चौधरी,कंधारचे माजी नगरसेवक कृष्णा पापीनवार, जि.प.चे माजी सभापती शिवराज पाटील होटाळकर यांची उपस्थिती होती.